INFANTIL 5 ANOS: CHINA

Os nenos e nenas de 5 anos viaxamos a China para coñecer a súa cultura. China é o país máis poboado do mundo e nas súas cidades hai rañaceos moi modernos. Tamén existen barrios con casas antigas de madeira que se chaman Padogas. A Cidade Prohibida é a maior construcción de edificios antigos (800) e era a residencia do emperador. En 1987 foi declarada pola UNESCO Patrimonio da Humanidade.

No entroido visitamos ao emperador na Cidade Prohibida e empregamos a moeda oficial de China que é o Yuan (equivale aproximadamente a 10 euros). Tamén fixemos unha visita á muralla China. Os astronautas din que é tan grande que se pode ver dende o espacio.

En Pekín vimos o Dragón, símbolo de Paz e venerado como un animal sagrado. Para os chinos/as é unha ledicia poder festexar cada ano o aninovo chinés que é a festa máis importante do ano e dura 15 días. O último día celébrase o festival dos farolillos onde a xente desfila polas rúas e bailan a danza do dragón.

Visitamos un xardín de bonsais e nos seus bosques medran enormes árbores de bambú. Alí descubrimos o oso panda, animal orixinario de China e que está en perigo de extinción. O arroz é para os chineses coma para nós o pan e cómese con palillos: ¡que complicado!

O peor de todo foi entender o que dicían os carteis... ¡menuda caligrafía! Parece que o que inventou a escritura china imitou o movemento dos animais na area. Tamén é moi importante o selo do nome, presente en todos os documentos oficiais.

Xa para descansar, ensináronnos algúns dos seus xogos: dominó, tangram, diábolo... Os chineses son unhas grandes cabezas pensantes polo que son moitos os seus inventos: papaventos, carretilla, fogos de artificio...

O horóscopo chino ten a súa orixe nunha lenda de Buda, que lle agasallou a cada un dos 12 animais do reino con un ano. O noso signo é mono (ao nacermos no ano 2004). O Tai chi é a arte marcial máis importane para os chinos e proporciona numerosos beneficios para a saúde.

Para rematar todo este marabilloso percorrido por China, fixemos un libro colectivo xigante.

INFANTIL 4 ANOS: TURQUÍA

Os nenos/as de 4 anos viaxamos a Turquía.

Ambientamos a aula e fixemos un libro con fotografías de Turquía, gracias ao material aportado polas titoras e as familias.

Coñecemos as cidades máis importantes de Turquía: Estambul e Ankara (a súa capital). En Estambul están os dous monumentos máis destacados do país: Santa Sofía e a Mezquita Azul.

Tamén coñecemos o traxe típico de Turquía e disfrazámonos de Turcos no entroido.

Tocamos os instrumentos típicos do folclore turco: Darbuka e Crótalos (os cales son utilizados na danza do ventre) e bailamos a danza do ventre.

O xogo popular máis importante de Turquía é o Backgammon e a súa comida típica é o Dönner Kebak.

Por último, viaxamos a Capadocia a través de internet.

Con toda esta información elaboramos un libriño para cada alumno.

INFANTIL 3 ANOS: A INDIA

Os nenos e as nenas de 3 anos coñecemos a India. No mes de setembro as nosas familias aportaron fotografías coas que fixemos diversos murais. Tamén trouxemos á aula libros cos que aprendemos moitísimas cousas sobre a India: a súa bandeira, a moeda, os animais, as costumes, monumentos, a comida ou o traxe típico co que nos disfrazamos no entroido.

Á aula de 3 anos trouxemos un coco, ¡costounos un montón abrilo! pero conseguímolo e bebemos o seu zume e comemos a súa polpa. Despois fixemos co coco raiado, ovos e azucre unhas cocadas: amasamos, moldeamos e logo, a mestra Teresa levounas ao forno. O día seguinte merendámolas todos xuntos.

Na aula de 3 anos B a mestra contounos como foi a súa viaxe á India. Tróuxonos á aula bonecos, traxes, artesanía e explicounos algunhas cousas sobre elas.

EN INFANTIL VIAXAMOS A ASIA

Os nenos e nenas de Educación Infantil viaxamos a Asia para coñecer a India, Turquía e China.

O BRASIL MULTICOLOR

En segundo traballamos a cultura brasileira, usando libros e recursos TICS como motivación para introducirnos na mesma.

- Comezamos traballando a súa xeografía completando mapas e estudando o máis fundamental da súa historia.

- Achegámonos aos seus costumes, comidas, festas... e máis concretamente á vida no Amazonas, ese gran pulmón de América do Sur.

- Elaboramos murais con fotos e debuxos, colaboramos nas exposicións da biblioteca con obxectos aportados polo alumnado e o profesorado.

- No calendario anual a nosa páxina versou sobre os moradores do Amazonas.

- No entroido disfrazámonos de bailaríns de Samba. Foi moi divertido.

- Traballamos contos e lendas de Brasil: As tres laranxas, escoitamos a súa música.

- Decoramos as entradas das aulas de xeito que semellasen a entrada dunha cabana do Amazonas.

- Asistimos a unha representación de contos do mundo para potenciar a nosa formación sobre interculturalidade.

- Todo isto achegounos a unha cultura descoñecida para nós até o de agora.

CULTURA INUIT

Os Inuits son mais coñecidos polo nome de esquimós pero rexéitano porque significa "comedores de carne crúa" e lles parece despectivo, por iso prefiren chamarse Inuits que significa "a xente", "o pobo".

Viven nas rexións árticas do planeta (Siberia, Alaska e Groenlandia) en Iglús, que son coma cúpulas de xeo. Nas épocas de caza viven nunhas tendas enormes chamadas Tipis, que están formadas por unha pel moi estirada suxeitada con paos moi grandes.

As vestimentas e botas Inuits estaban feitas de pel e pelaxe. A dieta Inuit está composta por pescado e outros mamíferos acuáticos.

Algunhas palabras Inuits son: "anorak", "iglú", "kayak" e "parka". As 7 estacións Inuits teñen significados diferentes e son: Sekcliniak (aparece o sol), Arkajuassuak (o ambiente está templado), Aspaliarssuit tikitarfiat (volven as aves), Ting missat emmiviat (as aves poñen ovos), Ivanit aorsamialertarfiat (as aves emigran cara o sur), Talsit sikouat (xéanse os lagos) e Toursarfit (óese o silencio).

OS MASAIS DE 4º

Os de 4º traballamos sobre o Continente Africano e centramos o estudio na cultura MASAI:

• Comezamos facendo un estudio xeográfico de África elaborando mapas individuais e un grande para a aula, localizando o territorio dos Masais.
• Proxeccións de vídeos, diálogos, conversacións colectivas, lectura de contos, libros e revistas sobre os Masais para favorecer o enriquecemento persoal a partir da diversidade dos valores culturais.
• Estudiamos as súas costumes, arte, vivenda, comidas, roupas, danzas e xogos a través de fichas, vídeos, redaccións e de outras actividades.
• Elaboramos murais con fotografías traídas polos nenos e quitadas da internet.
• Realizamos unha exposición na aula de artesanía, obxectos e pinturas sobre África e os Masais.
• Adornamos os pasillos e as aulas con motivos Africanos e de Masais e incluso decoramos a entrada da clase como unha choza Masai.
• Disfrazámonos de Masais con adornos para a cabeza, colares, pulseras, lanzas, escudos, etc.
• Participamos en tódalas exposicións do colexio sobre as culturas do mundo aportando: monecas, cerámicas, roupa, xogos, libros, entre outros.
• Asistimos a unha representación teatras de "Contos do Mundo".
• En definitiva, tratamos de centrar todas as actividades en torno ao núcleo das "Culturas do Mundo" e en especial dos Masais.

OS SIOUX ENTRAN NA BIBLIOTECA

O xoves 6 de maio presentamos na biblioteca o libro "O pequeno Sioux". Foi unha experiencia marabillosa. Os nenos de primeiro fixemos uns fermosos decorados de poboados indios nos que pintamos "tepees" (tipis) e algún tottem. Os profes contáronos o conto de forma dramatizada. Pasámolo xenial na compaña do Coiote Colorado, a Galiña Emplumada ou da Formiga Negra. Vivimos as aventuras de Touriño Sentado e do seu papá o Gran Xefe Sioux. E sabedes que? Nós fixemos de vento que empurraba a todos os nosos amiguiños cara o seu poboado. Como resultou tan divertida, representouse para os nenos e nenas de infantil e de 2º de primaria.

EXPO ARTESANÍA E MÚSICA

Impresionante é a palabra coa que definiron, aquelas persoas que se achegaron entre os días 23 e 26 de marzo, a Expo de Artesanía e de Música. Foron moitas as pezas artesáns e os instrumentos musicais expostos, e todos eles provintes de diferentes lugares do mundo: lanzas Masais de Kenia, panos típicos de Exipto, máscaras de Ceilán, Venecia, Costa Rica e de Kenia (empregadas en rituais), pulseras e colares feitos con distintos materiais, son algúns dos exemplos. Entre os instrumentos musicais destacamos un tambor de auga do Congo, un pao de choiva de Costa Rica usado para relaxarse, maracas de Cuba e ata unha frauta traveseira do Nepal.

EXPO XOGUETES DO MUNDO

Entre o 4 e o 12 de febreiro a bibliteca do "Agro do Muíño" converteuse nun divertido museo de xoguetes do mundo, facilitados polas familias, mestres e o resto da comunidade educativa. Nela puidemos observar preciosos camelos de Marrocos, móbiles de Uganda ou da República Checa, buxainas de Túnez, un fermoso xadrez ruso construído con madeira, as famosas matrioskas rusas, un caleidoscopio de Italia, bonecos de diferentes países como a India ou Turquía, unha moto feita con latas de refresco e un coche de madeira feitos en Cuba e outros moitos xoguetes que fixeron as ledicias de todos aqueles que visitaron a exposición durante os días que durou a mesma.

EXPO FOTOGRAFÍAS DO MUNDO

Partindo dunha iniciativa do proxecto e co fin de que o alumnado coñeza mellor as distintas culturas coas que traballan, solicitouse de novo ás familias a súa colaboración. En esta ocasión cada quen aportou o seu gran de area a través de fotografías. Con dito material elaboramos varios paneis nos que se amosaban as distintas manifestacións culturais de cada unha delas: música, artesanía, gastronomía, traxes ou monumentos. Cada fotografía leva un pé de foto indicando a familia que a aportou, o país ao que se refire e un pequeno texto descriptivo da mesma.

EXPOSICIÓN "XORNAIS DO MUNDO"

Coincidindo coa conmemoración da Semana da Prensa (do 8 ao 12 de marzo), decidimos realizar no colexio unha exposición con "Xornais do Mundo". A través de revistas e xornais de Israel, China, Túnez, Turquía, Rusia, Exipto, Estados Unidos, Francia, Gran Bretaña, Lituania, Bélxica, Polonia, Alemaña, Italia, entre outros, achegámonos ás novas que sucedían neses lugares. Chamounos a atención o "The Epoch Times" de Israel, "Takvim" de Turquía, "Usa Today" de Estados Unidos, "Corriere della Sera" de Italia, "Vilnius" de Lituania, "La Tribune" de Francia, "Le Soir" de Bélxica, entre outros. En definitiva, unha impresionante viaxe polo mundo a través da prensa escrita.

ENTROIDO

O espectáculo do entroido non pasou de largo polo "Agro do Muíño", e como non podía ser de outra maneira, chinos, indios, brasileiros, masais, maorís,... conviviron durante unha xornada na que as danzas tiveron o principal protagonismo. Comezaron os desfiles os pequenos de infantil, logo as escolas unitarias e por último os nenos e nenas de educación primaria.

CHINOTECA

Entre os días 1 e 15 de decembro tivo lugar no colexio unha exposición con diverso material didáctico sobre China. A Chinoteca achegounos a unha cultura diferente á nosa, a través de imaxes, libros e fotografías e amosounos a importancia de respectar e valorar formas de vida diferentes. Esta exposición é itinerante e foi posible gracias a unha asociación de pais que teñen en adopción nenos e nenas de ese país.

MAGOSTO

O 6 de novembro celebramos no colexio o Magosto, ¡e este ano non foi un magosto calquera! Levamos a cabo un intercambio cultural, no cal dous colexios acompañáronnos nesta xornada tan especial: o colexio Sant Serní de Prats (Lérida) e o de Ariño (Teruel). Tamén tiveron unha presencia especial, como non podía ser de outro xeito, as distintas culturas coas que estamos traballando no colexio. Así, puidemos xogar con comecastañas que parecían indios e maorís, bailamos distintas danzas,... En definitiva, unha xornada chea de diversión, de fartura e de grandes emocións.

TABOLEIRO XERAL

O punto de partida do proxecto, unha vez decididas as culturas coas que traballar, foi elaborar un mural do mundo e situalo nun lugar ben visible do colexio. Cada grupo traballou na súa aula e investigou máis profundamente sobre a cultura que lle pertencía. Pouco a pouco fomos completando o taboleiro con información interesante das distintas culturas.

DISTRIBUCIÓN DAS CULTURAS

Á hora de decidir as culturas sobre as que traballar, tivemos en conta o país de procedencia de diversos nenos e nenas matriculados no centro, favorecendo de esa forma a multiculturalidade e contribuíndo a formar persoas respectuosas e competentes para desenvolverse nunha sociedade cada vez máis plural.
Educación infantil fará un percorrido por China e pola India (Asia). América será o continente visitado polo alumnado do primeiro ciclo de Ed. Primaria: 1º curso os Indios e 2º curso a cultura Brasileira. O segundo ciclo de Educación Primaria introducirase en África: 3º curso na cultura dos Tuaregs e 4º na dos Masais. Os nenos e nenas de 5º non abandonarán Europa, xa que visitarán Bulgaria e Reino Unido. E por último, os Inutis (nas rexións árticas) e a cultura Maorí (en Oceanía) estarán presentes nas aulas de sexto.


Como podedes comprobar, trátase dun percorrido fantástico ao que todos e todas estades convidados.

INTERCULTURALIDADE

Durante este curso, 2009-2010, no Ceip Agro do Muíño estamos desenvolvendo o proxecto documental "Interculturalidade" sobre as diferentes culturas do mundo.

Participa no proxecto todo o alumndo, todo o profesorado e en definitiva toda a comunidade escolar.